Yosh olimlarga o‘z ish joyidan ajralmagan holda yetakchi ilmiy markazlarning noyob laboratoriyalari va uskunalarida tadqiqot olib borish imkoniyati
“Akademik harakatchanlik” — ilm-fan va innovatsiyalar sohasidagi iqtidorli yoshlarni qo‘llab-quvvatlash, ularga yetakchi ilmiy tashkilotlar va oliy ta’lim muassasalarining noyob ilmiy obyektlari, laboratoriyalari va konstruktorlik byurolaridan bepul foydalanish huquqini berish dasturi.
Yosh olim o‘z tashkilotining yo‘llanmasi bilan loyiha taqdim etadi va g‘olib bo‘lsa, 15 kundan 6 oygacha bo‘lgan muddatda qabul qiluvchi tashkilotda tadqiqot olib boradi. Unga ilmiy rahbar va texnik mutaxassis biriktiriladi.
Dastur Vazirlar Mahkamasining 2021-yil 19-apreldagi 222-son qarori bilan tasdiqlangan Nizom asosida o‘tkaziladi. Tanlov yiliga kamida bir marta e’lon qilinadi.
G‘olibning lavozimi va oylik ish haqi saqlanadi — tadqiqot ish joyidan ajralmagan holda olib boriladi.
Ish joyidagi tashkilot yo‘llanmasi va ilmiy kengash ma’qullagan loyiha bilan ariza topshiradi.
Noyob uskuna va laboratoriyalarni taqdim etadi, ilmiy rahbar va texnik mutaxassis biriktiradi.
Uch tomonlama shartnoma asosida ilmiy dasturlar mablag‘lari hisobidan moliyalashtiradi.
Loyihalarni Vazirlik ishchi guruhi 100 ballik tizimda baholaydi — g‘olib bo‘lish uchun 50 balldan ko‘p to‘plash kerak.
Tanlov Vazirlikning rasmiy saytida kamida bir oy oldin e’lon qilinadi.
Loyiha tashkilot yo‘llanmasi va ilmiy kengash qarori bilan topshiriladi.
Loyihalar ko‘rib chiqiladi, nomzodlar taqdimot o‘tkazadi.
G‘oliblarga sertifikat beriladi, uch tomonlama shartnoma tuziladi.
Natijalar e’lon qilingandan keyin 15 kalendar kun ichida apellyatsiya berish mumkin — ishchi guruh uni bir hafta ichida ko‘rib chiqadi.
Mablag‘ uch tomonlama shartnoma asosida ajratiladi va safar, laboratoriyadan foydalanish hamda ilmiy rahbarlik xarajatlarini qoplaydi.
Tanlovga respublikaning barcha hududlaridan 253 ta loyiha kelib tushdi. Ishchi guruh 65 ta loyihani moliyalashtirishga tavsiya etdi.
| Hudud | Loyihalar | Saralanish | G‘oliblar |
|---|---|---|---|
| Toshkent shahri | 52 | 42% | 22 |
| Surxondaryo viloyati | 79 | 16% | 13 |
| Sirdaryo viloyati | 16 | 50% | 8 |
| Xorazm viloyati | 12 | 33% | 4 |
| Buxoro viloyati | 8 | 38% | 3 |
| Toshkent viloyati | 9 | 33% | 3 |
| Navoiy viloyati | 8 | 25% | 2 |
| Namangan viloyati | 6 | 33% | 2 |
| Samarqand viloyati | 8 | 25% | 2 |
| Jizzax viloyati | 9 | 22% | 2 |
| Farg‘ona viloyati | 10 | 20% | 2 |
| Qashqadaryo viloyati | 7 | 14% | 1 |
| Qoraqalpog‘iston Respublikasi | 19 | 5% | 1 |
| Andijon viloyati | 10 | 0% | 0 |
Hududlar g‘oliblar soni bo‘yicha kamayish tartibida. Manba: tanlov reyestri.
Texnoparkda g‘oliblar uchun zarur shart-sharoitlar yaratilib, ilmiy rahbarlar biriktirildi. Tadqiqotlar chiqindilarni qayta ishlash, biotexnologiya va kimyoviy muhandislikka qaratilgan.
1
Toshkent kimyo-texnologiya instituti Yangiyer filiali dotsenti v.b., PhD
Jun, pat, shox va tuyoq qoldiqlarini gidrolitik qayta ishlab, aminokislotalarga boy ekologik xavfsiz azotli o‘g‘itlar olish.
2
Fanlar akademiyasi Polimerlar kimyosi va fizikasi instituti katta ilmiy xodimi, PhD
Patlarni gidrotermik gidrolizlab, parrandachilik va baliqchilik uchun azot va kalsiyga boy ozuqa mahsulotlari olish.
3
Fanlar akademiyasi Umumiy va noorganik kimyo instituti DSc doktoranti, PhD
Yog‘-moy sanoati chiqindisidan yog‘ kislotalarini ajratib, yuqori kulli ko‘mirni boyitish uchun sirt-faol reagent yaratish.
4
Toshkent kimyo-texnologiya instituti Yangiyer filiali katta o‘qituvchisi, PhD
Mahalliy mineral xomashyo va polimer qo‘shimchalardan mustahkam, suv va sovuqqa chidamli yangi avlod qorishmalari.
5
Toshkent kimyo-texnologiya instituti Yangiyer filiali stajyor o‘qituvchisi
Qizilmiya ildizi qipiqlarini biotexnologik qayta ishlab, qo‘ziqorin yetishtirish uchun arzon va ekologik xavfsiz substrat olish.
6
Guliston davlat universiteti “Oziq-ovqat texnologiyalari” kafedrasi o‘qituvchisi
Mahalliy shtammlar asosida oziq-ovqat, farmatsevtika va kosmetika uchun import o‘rnini bosuvchi gidrokolloidlar yaratish.
7
Toshkent kimyo-texnologiya instituti Yangiyer filiali dotsenti v.b.
In vitro va in vivo poliploidizatsiya orqali efir moylari va metabolitlarga boy istiqbolli liniyalar yaratish.
8
Toshkent kimyo-texnologiya instituti Yangiyer filiali dotsenti, PhD
“O‘zbekiston metallurgiya kombinati” chang-gaz tozalash qurilmalari changidan ruxni ajratib olish texnologiyasi.
Saralash suhbati va 16-sentabr kuni “INNO” texnoparkida g‘oliblar bilan bo‘lib o‘tgan uchrashuv — innotur, laboratoriyalar va ishlab chiqarish zonalari.
Tanlov e’lonlari Vazirlikning rasmiy saytida e’lon qilinadi. Ilmiy g‘oya va startaplar uchun “Bo‘lajak olim” tanlovi ham mavjud.
O'z
Ру
En